Breaking News

11/12/2019

జగన్ పై రాపాక పొగడ్తలు

విజయవాడ, డిసెంబర్ 11  (way2newstv.in)
నసేన పార్టీ ఎమ్మెల్యే రాపాక వరప్రసాద్ అసెంబ్లీ వేదికగా ముఖ్యమంత్రి వైఎస్ జగన్‌మోహన్‌రెడ్డి ప్రశంసలు కురిపించారు. ప్రభుత్వ పాఠశాలల్లో జగన్ సర్కార్ ఇంగ్లీష్ మీడియం ప్రవేశపెట్టడాన్ని స్వాగతిస్తున్నామని తెలిపారు. టీడీపీ హయాంలో ఇంగ్లీష్ మీడియం ప్రవేశపెట్టేందుకు చంద్రబాబు ప్రయత్నించారని.. కానీ మధ్యలోనే వదిలేశారన్నారు. ఇప్పుడు కొత్త ప్రభుత్వం పేద విద్యార్థుల కోసం మంచి నిర్ణయం తీసుకున్నారని.. దీనిని వ్యతిరేకించడం మంచి పద్దతి కాదు అన్నారు.ఇంగ్లీష్ మీడియం ఈ నిర్ణయాన్ని వ్యతిరేకించాల్సిన అవసరం లేదన్నారు రాపాక వరప్రసాద్ రావు. గతంలో ఎంతోమంది విద్యార్థులు ఇంగ్లీష్ రాకపోవడంతో మంచి ఉద్యోగాలు సాధించలేకపోయారని..
జగన్ పై రాపాక  పొగడ్తలు

ఇప్పుడు ప్రభుత్వ నిర్ణయంతో పేద విద్యార్థులు కూడా ఇంగ్లీష్ మీడియంలో చదువుకుంటారన్నారు. ఈ నిర్ణయంలో ఎలాంటి తప్పులేదని.. స్వాగతించాలని అభిప్రాయపడ్డారు. ఇక ప్రతిపక్ష నేత స్పీకర్‌ను గౌరవించాల్సిన బాధ్యత ఉందన్నారు రాపాక వరప్రసాదరావు. సుధీర్ఘ అనుభవం ఉన్న చంద్రబాబుకు ఆ విషయాన్ని చెప్పనక్కరలేదని.. ప్రతిపక్ష నేత అలాంటి పరుష పదజాలాన్ని ఉపయోగించడం సరికాదన్నారు.ఓవైపు జనసేన అధినేత పవన్ కళ్యాణ్ ఇంగ్లీష్ మీడియం విధానాన్ని తప్పుబడుతున్నారు. రోజుకో ట్వీట్‌తో జగన్ సర్కార్‌పై విరుచుకుపడుతున్నారు. ఇదే సమయంలో ఎమ్మెల్యే రాపాక మాత్రం జగన్ నిర్ణయాన్ని స్వాగతించడం ఇప్పుడు ఆసక్తికరంగా మారింది. ఓవైపు అధినేత వ్యతిరేకిస్తున్న ఇంగ్లీష్ మీడియం విధానాన్ని రాపాక స్వాగతిస్తున్నాననడం ఇప్పుడు హాట్‌టాపిక్ అయ్యింది. గతంలో అసెంబ్లీలో బడ్జెట్ ప్రవేశపెట్టిన సమయంలో కూడా రాపాక జగన్‌పై ప్రశంసల కురిపించారు. మరి రాపాక వ్యాఖ్యలపై జనసేన నేతలు ఎలా స్పందిస్తారన్నది చూడాలి.

No comments:

Post a comment