మహానాయకుడు, మన్మధుడులను మించిన కొబ్బరిమట్ట

హైద్రాబాద్, ఆగస్టు 12 (way2newstv.in - Swamy Naidu):

సంపూర్ణేష్ బాబు ‘కొబ్బరి మట్ట’ మూవీ తొలి వారం రూ. 233.64 కోట్లు ఎక్స్‌పెక్టెడ్ గ్రాస్ అంటూ సినిమా విడుదలకు ముందు పోస్టర్‌తో ఇండస్ట్రీలో హాట్ టాపిక్ అయ్యారు సంపూర్ణేష్ బాబు. మహేష్ బాబు, ప్రభాస్, రామ్ చరణ్ లాంటి స్టార్ హీరోలు కూడా ఈ ఫిగర్ చూసి బెంబేలెత్తిపోయేలా ఈ పోస్టర్‌ను వదిలారు. సంపూర్ణేష్ బాబు ఏంటి? కొబ్బరి మట్ట సినిమా ఏంటి? ఆ సినిమా రూ. 233.64 కోట్లు వసూలు చేయడం ఏంటి? అది కూడా తొలివారం.. పిచ్చి పీక్స్‌లోకి వెళిపోవడం అంటే ఇదేనేమో అని ముక్కున వేలు వేసుకున్నారు చాలా మంది. అయితే అతికి బ్రాండ్ అంబాసిడర్ మన బర్నింగ్ స్టార్ కాబట్టి పోస్టర్‌ కూడా ఆయన లెక్కకు.. తిక్కకు తగ్గట్టుగానే ఉందని మేకర్స్ క్రియేటివిటీపై ప్రశంసలు కురిసాయి. అయితే అనేక కష్ట నష్టాలను.. నమ్మక ద్రోహాలను ఓర్చి ఐదేళ్ల సుదీర్ఘ షూటింగ్ తరువాత కొబ్బరి మట్ట చిత్రం ఎట్టకేలకు ఆగస్టు 10 విడుదలై హౌస్ ఫుల్ కలెక్షన్లతో దుమ్ముదులుపుతోంది. 

 మహానాయకుడు, మన్మధుడులను మించిన కొబ్బరిమట్ట

సంపూర్ణేష్ బాబు త్రిపాత్రాభిన‌యంలో ‘హృద‌య‌కాలేయం’ సృష్టిక‌ర్త స్టీవెన్ శంక‌ర్ అందించిన క‌థ‌, క‌థ‌నంతో రూప‌క్ రొనాల్డ్ ద‌ర్శ‌క‌త్వంలో వచ్చిన ‘కొబ్బ‌రి మ‌ట్ట‌’ చిత్రానికి ఊహించని రెస్పాన్స్ వస్తోంది. బడ్జెట్ ప్రాబ్లమ్స్‌తో సరిగా ప్రమోషన్స్ నిర్వహించుకులేకపోయిన ఈ చిత్రానికి ప్రేక్షకులే ప్రమోటర్స్‌గా మారి సంపూ‌కి జై కొడుతుండటంతో ఎక్కడ చూసిన హౌస్ ఫుల్ బోర్డ్‌లు దర్శనం ఇస్తున్నాయి. ఇక కలెక్షన్ల వేటలోనూ సంపూర్ణేష్ బాబు స్టార్ హీరోలను వెనక్కినెట్టి సత్తా చాటుతున్నాడు. శనివారం నాడు విడుదలైన ఈ మూవీ హైదరాబాద్ ఆర్టీసీ క్రాస్‌ రోడ్‌లో సరికొత్త రికార్డుల్ని నమోదు చేసింది. రూ. 2,88,111 వసూలు చేసి సత్తా చాటింది. ఇక స్టార్ హీరో నాగార్జున, రకుల్ ప్రీత్ సింగ్ కాంబోలో భారీ బడ్జెట్‌తో వచ్చిన ‘మన్మథుడు 2’ చిత్రానికి రూ. 2,83,950 మాత్రమే వసూలు చేయగలిగింది. ఇక నందమూరి బాలయ్య నటించిన ‘ఎన్టీఆర్ మహానాయకుడు’ ఆర్టీసీ క్రాస్‌లో రూ 1,60,641 మాత్రమే రాబట్టగలిగింది. ఈ లెక్కన అక్కినేని నాగార్జున, నందమూరి బాలయ్యల కంటే తొలిరోజు ఆర్టీసీ క్రాస్‌లో బెస్ట్ ఓపెనింగ్స్ రాబట్టి.. ‘కొబ్బరి మట్ట’తో జెండా పాతేశారు బర్నింగ్ స్టార్ సంపూర్ణేష్ బాబు. ‘కొబ్బరి మట్ట’ చిత్రానికి రూ. 60 లక్షలపైనే షేర్ రాబట్టినట్టు ట్రేడ్ వర్గాలు లెక్కలు కడుతున్నాయి. ఇక శని,ఆదివారాలు వీకెండ్ కావడంతో మొత్తంగా రూ. 2 కోట్లు రాబట్టే అవకాశం లేకపోలేదు.