సంజూ బెస్ట్ ఓపెనర్

ముంబై, జూలై 2, (way2newstv.in)

సంజయ్ దత్ బయోపిక్ ‘సంజూ’ ఈ ఏడాదికి వసూళ్ల విషయంలో బెస్ట్ ఓపెనర్ గా నిలిచింది. తొలి రోజు భారీ వసూళ్లను సంపాదించుకున్న ఈ సినిమా తొలి వీకెండ్ ముగిసే సరికి ఈ ఏడాదిలో బెస్ట్ ఓపెనింగ్స్‌ను పొందిన సినిమాగా నిలిచింది. గత శుక్రవారం ఈ సినిమా విడుదల అయ్యింది. ఆదివారానికే ఈ సినిమా వంద కోట్ల రూపాయల క్లబ్ లో చేరిందని ట్రేడ్ ఎనలిస్టులు ప్రకటించారు. మరింత విశేషం ఏమిటంటే.. మూడో రోజుకే ఈ సినిమా వసూళ్లు 120 కోట్ల రూపాయల మార్కును రీచ్ కావడం.ఈ ఏడాదిలో తొలి వీకెండ్ లో ఈ రేంజ్ వసూళ్లు సాధించిన సినిమాలు మరేవీ లేవు. సల్మాన్ ఖాన్ సినిమా ‘రేస్ త్రీ’ రజనీకాంత్ ‘కాలా’లు కూడా తొలి వారాంతానికి ఈ స్థాయి వసూళ్లను సాధించలేదు. ఈ విధంగా సంజయ్ దత్ బయోపిక్ సంచలన వసూళ్లను నమోదు చేసింది. సినిమాకు మిక్డ్స్ టాక్ వచ్చింది. మరీ గొప్ప వినోదాత్మకంగా లేదని క్రిటిక్స్ తేల్చేశారు. అయితే సినిమా ఎక్కడా బోర్ కొట్టనివ్వదు, మినిమం ఎంటర్ టైన్ మెంట్ గ్యారెంటీ అని కూడా వారే చెప్పారు. సంజయ్ దత్ బయోపిక్ గా ఈ సినిమా ప్రేక్షకుల్లో ఆసక్తిని రేపింది. ఆ హీరో జీవితంలో ఏం జరిగిందో తెలుసుకునే ఆసక్తి వ్యక్తమైంది. టీజర్, ట్రైలర్లులు సినిమాపై అంచనాలను పెంచాయి. వాటికి తగ్గట్టుగా ఈ సినిమా తొలి వారాంతానికే 120 కోట్ల రూపాయల గ్రాస్ వసూళ్లను సాధించిందని ట్రేడ్ పండితులు అంటున్నారు. ఈ సినిమా ప్రీ రిలీజ్ మార్కెట్లో భారీ వ్యాపారాన్నే చేసింది. ఈ వసూళ్లు బ్రహ్మాండంగా ఉన్నప్పటికీ ఇంకా సాధించాల్సిన మొత్తం భారీగానే ఉంది. రెండు వందల కోట్ల రూపాయల షేర్ వస్తే మున్నాభాయ్ బయోపిక్ హిట్ కింద లెక్క అని ట్రేడ్ వర్గాలు అంటున్నాయి. 

సంజూ బెస్ట్ ఓపెనర్