Breaking News

21/01/2020

మున్సిపల్ ఎన్నికలకు అంతా సిద్ధం

హైద్రాబాద్, జనవరి 21, (way2newstv.in)
తెలంగాణలో మున్సిపల్‌ ఎన్నికలకు అన్ని ఏర్పాట్లు పూర్తి చేశామని రాష్ట్ర ఎన్నికల సంఘం కమిషనర్ నాగిరెడ్డి  తెలిపారు. బుధవారం  ఎన్నికల జరగనున్న సందర్భంగా ఏర్పాటు చేసిన విలేకరుల సమావేశలో ఆయన మాట్లాడుతూ.. ఎన్నికల విధుల్లో 55 వేల మంది సిబ్బంది పాల్గొంటున్నారని పేర్కొన్నారు. ప్రతి ఒక్కరూ తమ ఓటు హక్కును సద్వినియోగం చేసుకోవాలని కోరారు. ఉదయం 7  గంటల నుంచి సాయంత్రం 5 వరకు పోలింగ్  నిర్వహించనున్నట్లు తెలిపారు. ఎన్నికల్లో ధన ప్రవాహాన్ని అరికట్టడానికి రాజకీయ పార్టీలు, అభ్యర్థులు నిఘా పెంచాలని సూచించారుఎన్నికల్లో ఖర్చు పెట్టిన లెక్కలు తప్పుగా చూపినప్పుడు అభ్యర్థిపై చర్యలు తీసుకుంటామని.. అవసరమైతే అభ్యర్థి ఎన్నిక రద్దు చేస్తామని హెచ్చరించారు.  
మున్సిపల్ ఎన్నికలకు అంతా సిద్ధం

అభ్యర్థుల ఆస్తులు, నేర చరిత్ర వివరాలు  ఎన్నికల సంఘం దగ్గర వున్నాయని, డబ్బులు ఎరవేసే వాళ్ళను ఎన్నుకుంటే భవిష్యత్తులో ఇబ్బందులు తప్పవని తెలిపారు.టెండర్‌ ఓటు ఒక్కటి పడినా ఆ ప్రాంతాల్లో రీ పోలింగ్‌ నిర్వహిస్తామని ఆయన తెలిపారు. టెండర్‌ ఓటు వేసిన చోట ఓట్ల లెక్కింపు జరగనివ్వమని ఆయన పేర్కొన్నారు. ఎన్నికల్లో ధన ప్రవాహం అరికట్టేందుకు అన్ని చర్యలు తీసుకున్నామని ఆయన తెలిపారు. ఎన్నికల్లో అధికారులతో పాటు పార్టీల నేతలు కూడా సహకరించాలని ఆయన పేర్కొన్నారు. అభ్యర్థులు ఎన్నికల ఖర్చు వివరాల్లో తప్పుడు సమాచారం చూపిస్తే కఠిన చర్యలు తీసుకుంటామని ఆయన హెచ్చరించారుపోలింగ్‌ కేంద్రాల్లో పోటీ చేసే అభ్యర్థి వివరాలను నోటీసు బోర్డులో ఉంచుతామనీ.. అభ్యర్థుల గత చరిత్ర, నేర చరిత్ర, ఆస్తుల వివరాలు అందుబాటులో ఉంచుతామని ఆయన వెల్లడించారు. అభ్యర్థి వివరాలు తెలిస్తే ఎవరికి ఓటు వేయాలనే విషయాన్ని ఓటర్లు తెలుసుకుంటారని ఆయన అభిప్రాయపడ్డారు. మున్సిపల్ ఎన్నికల్లో విన్నింగ్ మార్జిన్ పదుల్లోనే ఉంటుందని, ప్రతి ఓటు కీలకమైనదన్నారు. తమ ఓటు వేరే వాళ్ళు వేస్తే టెండర్ ఓటు వేయాలని, రిగ్గింగ్‌ జరిగిన చోట రిపోలింగ్ నిర్వహిస్తామని స్పష్టం చేశారు. కాగా పెద్దపల్లిలో డబ్బులు పంచుతుండగా వీడియో తీయడంతో అరెస్ట్ చేశామని అన్నారు. గద్వాల, అలంపూర్ లో డబ్బులు పంచుతున్న కేసులు నమోదు అయ్యాయని, ఎన్నికల నేపథ్యంలో 44లక్షల 41 వేల రూపాయలు సీజ్ చేశామని కమిషనర్‌ నాగిరెడ్డి వెల్లడించారు.

No comments:

Post a comment