పోస్టాఫీసు లో 7.2 శాతం వడ్డీ

న్యూఢిల్ీ, అక్టోబర్ 29, (way2newstv.in)

డబ్బు సంపాదించాలని భావిస్తున్నారా? అది కూడా ప్రతి నెలా కొంత మొత్తం డిపాజిట్ చేస్తూ మంచి రాబడి పొందాలని చూస్తున్నారా? అయితే మీకు ఆప్షన్ అందుబాటులో ఉంది. అదే రికరింగ్ డిపాజిట్. స్థిర వడ్డీ రేటు పొందాలని భావించే వారికి ఆర్‌డీ మంచి ఇన్వెస్ట్‌‌మెంట్ ఆప్షన్‌ అని చెప్పుకోవచ్చు.రికరింగ్ డిపాజిట్ల విషయానికి వస్తే ప్రతి నెలా కొంత మొత్తాన్ని నిర్ణీయ కాలం పాటు డిపాజిట్ చేస్తూ రావాలి. బ్యాంకులకు వెళ్లి ఆర్‌డీ అకౌంట్‌ను తెరవొచ్చు. ఇక్కడ మీరు ఎంత కాలం డిపాజిట్ చేయాలని భావిస్తున్నారో అంత కాలానికి అకౌంట్‌ను ప్రారంభించొచ్చు. పోస్టాఫీస్‌ల్లోనూ ఆర్‌డీ అకౌంట్ సేవలు అందుబాటులో ఉన్నాయి. 

పోస్టాఫీసు లో 7.2 శాతం వడ్డీ

అయితే ఇక్కడ ఐదేళ్ల కాలం వరకు డబ్బు డిపాజిట్ చేయాల్సి ఉంటుంది.బ్యాంకుల్లో రికరింగ్ డిపాజిట్లలో కన్నా పోస్టాఫీసుల్లో రికరింగ్ డిపాజిట్లపై ఎక్కువ వడ్డీ లభిస్తుంది. స్టేట్ బ్యాంక్ ఆఫ్ ఇండియా (SBI), హెచ్‌డీఎఫ్‌సీ బ్యాంక్‌లలో ఆర్‌డీలపై వడ్డీ రేటు వరుసగా 6.25 శాతం, 6.75 శాతంగా ఉంది. అదే పోస్టాఫీస్‌లో రికరింగ్ డిపాజిట్లపై 7.2 శాతం వడ్డీ లభిస్తోంది.కేవలం రూ.10తో కూడా పోస్టాఫీస్‌లో రికరింగ్ డిపాజిట్ ప్రారంభించొచ్చు. 60 నెలలపాటు ప్రతి నెలా రూ.10 డిపాజిట్ చేస్తూ వస్తే అప్పుడు మీరు మెచ్యూరిటీ సమయంలో రూ.725.05 పొందొచ్చు. అదేమీరు ప్రతి నెలా రూ.750 పెడితే మీకు చివరిలో రూ.54,000 చేతికి వస్తాయి.అదే మీరు రూ.10, రూ.750 కాకుండా ప్రతి నెలా రూ.5,000 డిపాజిట్ చేస్తూ వస్తే.. మీకు మెచ్యూరిటీ సమయంలో ఏకంగా రూ.3.6 లక్షలు వస్తాయి. పోస్టాఫీస్ ఆర్‌డీ అకౌంట్‌లో వడ్డీ ప్రతి మూడు నెలలకు ఒకసారి జమవుతూ వస్తుంది. దీంతో కాంపౌండింగ్ ప్రయోజనం వల్ల మెచ్యూరిటీ సమయంలో ఎక్కువ రాబడి లభిస్తుంది. మీరు ఆర్‌డీ అకౌంట్ ప్రారంభించినప్పుడు ఎంత వడ్డీ రేటు ఉందో.. చివరి వరకు అదే వడ్డీ కొనసాగుతుంది.