ఆకట్టుకుంటున్న జగపతిబాబు సైరా పోస్టర్

హైద్రాబాద్, ఫిబ్రవరి 12  (way2newstv.in) 

ఒకప్పటి ఫ్యామిలీ కథానాయకుడు.. నేటి ప్రతినాయకుడు జగపతిబాబు పుట్టినరోజు సందర్భంగా అభిమానులకు అదిరిపోయే కానుకను ఇచ్చింది ‘సైరా’ యూనిట్. ఎంతో ప్రతిష్టాత్మకంగా కొణెదల ప్రొడక్షన్స్‌లో మెగా పవర్ స్టార్ రామచరణ్ నిర్మాతగా.. మెగాస్టార్ చిరంజీవి హీరోగా తెరకెక్కుతున్న ‘సైరా’ చిత్రంలోని జగపతిబాబు లుక్‌కి సంబంధించిన మోషన్ పోస్టర్‌ని విడుదల చేసింది చిత్ర యూనిట్. ఈ మోషన్ పోస్టర్‌లో జగపతిబాబు వీరారెడ్డి పాత్రలో గాంభీర్యాన్ని ప్రదర్శిస్తున్నారు. 

 

ఆకట్టుకుంటున్న జగపతిబాబు సైరా పోస్టర్

మెరిసిన గుబురు గడ్డం, పొడవైన జుట్టు, తలపాగా, నుదుటన బొట్టుతో ఉగ్ర రూపందాల్చి అహో అనిపించేదిగా ఉంది జగపతిబాబు లుక్. ఇంతకుముందెన్నడూ చూడని సరికొత్త గెటప్‌లో జగ్గూభాయ్ విశ్వరూపం ప్రదర్శిస్తున్నారు. స్వాతంత్ర సమరయోధుడు ఉయ్యాలవాడ నరసింహారెడ్డి జీవితాధారంగా సురేందర్‌ రెడ్డి ఈ చిత్రానికి దర్శకత్వం వహిస్తున్నారు. చిరంజీవి, అమితాబ్‌ బచ్చన్‌, నయనతార, విజయ్‌ సేతుపతి, తమన్నా తదితరు ఈ చిత్రంలో నటిస్తున్నారు. స్వాతంత్ర దినోత్సవ కానుకగా ఆగస్ట్‌ 15న ప్రేక్షకుల ముందుకు రానుంది ‘సైరా నరసింహారెడ్డి’.