బ్లాక్ అండ్ వైట్ డ్రస్సులో చంద్రబాబు

విజయవాడ ఫిబ్రవరి 1 (way2newstv.in)

ఎప్పుడూ పసుపు, గోధుమ రంగు దుస్తుల్లో మాత్రమే కనిపించే ఏపీ సీఎం చంద్రబాబునాయుడు శుక్రవారం కొత్త లుక్‌లో దర్శనమిచ్చారు. విభజనతో నష్టపోయిన ఆంధ్రప్రదేశ్‌కు కేంద్రం చేస్తున్న అన్యాయాన్ని నిరసిస్తూ ఆయన నల్ల దుస్తులు ధరించి అసెంబ్లీకి హాజరయ్యారు. ఏపీ హక్కుల సాధనలో భాగంగా కేంద్రానికి వ్యతిరేకంగా నిరసన కార్యక్రమాలు చేపట్టాలని సీఎం కార్యాచరణ ప్రకటించిన సంగతి తెలిసిందే.

బ్లాక్ అండ్ వైట్ డ్రస్సులో చంద్రబాబు

 విభజన చట్టం అమలులో కేంద్రం మొండిచేయి చూపిస్తున్నందుకు నిరసనగా కేంద్రం పార్లమెంట్లో బడ్జెట్‌ ప్రవేశపెడుతున్న ఫిబ్రవరి 1న నిరసన దినంగా పాటించాలని చంద్రబాబు పిలుపునిచ్చారు. దీనిలో భాగంగానే చంద్రబాబు సహా టీడీపీ ఎమ్మెల్యేలందరూ అసెంబ్లీకి నల్ల దుస్తుల్లో హాజరయ్యారు. ఈ సందర్భంగా ఏపీకి ప్రత్యేక హోదా ఇవ్వకుండా ప్రధాని మోదీ నాటకాలు ఆడుతున్నారంటూ చంద్రబాబు మండిపడ్డారు.