నా ప్రమాణ స్వీకారానికి రండి

బాబుకు జగన్ ఫోన్

గుంటూరు, మే 28, (way2newstv.in)

ఏపీ మాజీ ముఖ్యమంత్రి నారా చంద్రబాబునాయుడికి వైఎస్ జగన్‌మోహన్‌రెడ్డి ఫోన్ చేశారు. ఈ నెల 30న విజయవాడలో జరిగే.. తన ప్రమాణ స్వీకారానికి రావాలని చంద్రబాబుకు ఆహ్వానం పలికారు. ఈ సందర్భంగా ఆంధ్రప్రదేశ్ ముఖ్యమంత్రిగా ప్రమాణ స్వీకారం చేయబోతున్న వైఎస్ జగన్‌కు చంద్రబాబు శుభాకాంక్షలు తెలిపారు. ఈ నెల 30న వైఎస్ జగన్‌మోహన్ రెడ్డి ఆంధ్రప్రదేశ్ ముఖ్యమంత్రిగా ప్రమాణ స్వీకారం చేయబోతున్నారు. 

నా ప్రమాణ స్వీకారానికి రండి

విజయవాడలోని ఇందిరాగాంధీ స్టేడియం ప్రమాణ స్వీకారోత్సవానికి ఏర్పాట్లు చకా, చకా సాగుతున్నాయి. జగన్ ఇప్పటికే ప్రమాణ స్వీకారానికి రావాలని ప్రధాని మోదీ, తెలంగాణ ముఖ్యమంత్రి కేసీఆర్‌లను ఆహ్వానించారు. అయితే ప్రమాణ స్వీకారోత్సవానికి తెలంగాణ ముఖ్యమంత్రి కేసీఆర్‌ హాజరవుతుండగా.. మోదీ మాత్రం రాలేకపోతున్నారు. అదే రోజు మోదీ ప్రధానిగా ప్రమాణ స్వీకారం చేయబోతున్నారు. ఇక జగన్ చంద్రబాబును ఆహ్వానించగా.. బాబు హాజరవుతారా లేదా అన్నది ఆసక్తిగా మారింది. ఏపీ ఎన్నికల్లో వైసీపీ 151 సీట్లతో ఘన విజయం సాధించింది.. ప్రభుత్వాన్ని ఏర్పాటు చేయబోతున్న సంగతి తెలిసిందే.