హకీ గోల్స్ లో మరో రికార్డ్

విజయవాడ, ఆగస్టు 23, (way2newstv.in)

ఏషియన్‌ గేమ్స్‌లో భారత హాకీ టీమ్స్ వరసగా రికార్డులను సృష్టిస్తూ ఉన్నాయి. లీగ్ దశల్లో అత్యంత భారీ విజయాలతో మన జట్లు విజయబావుట ఎగురవేస్తున్నాయి. ముందుగా మహిళల హాకీ జట్టు కజక్‌స్థాన్ పై 22-0 గోల్స్ తేడాతో భారీ విజయాన్ని నమోదు చేయగా, పురుషుల హాకీ టీమ్ అంతకు మించిన సంచలనాన్ని నమోదు చేసింది. ఏకంగా 26-0 గోల్స్ తేడాతో హాంకాంగ్‌పై విజయం సాధించి, ఇండియన్ హాకీ హిస్టరీలో కొత్త రికార్డును నమోదు చేసింది. 86 యేళ్ల ఇండియన్ హాకీ చరిత్రలోనే ఇంత పెద్ద విజయం లేదంటే.. ఇదెంత భారీ విజయమో అర్థం చేసుకోవచ్చు. పసికూన అయిన హాంకాంగ్ హకీ జట్టు భారత ఆటగాళ్ల ముందు నిలవలేకపోయింది. డిఫెండింగ్ ఛాంపియన్ అయిన టీమిండియా చేతిలో చిత్తుగా ఓడింది హాంకాంగ్ జట్టు. 

హకీ  గోల్స్ లో మరో రికార్డ్

ఈ మ్యాచ్‌లో మనోళ్లు భారీ విజయాన్ని సాధిస్తారని హాకీ విశ్లేషకులు ముందుగానే అంచనా వేశారు. ఆ అంచనాలను నిజం చేస్తూ.. ఆ అంచనాలకు మించి రాణించింది టీమిండియా. పూల్- ఏ తొలి మ్యాచ్‌లో టీమిండియా ఇండోనేసియాను చిత్తు చేసింది. ఏకంగా 17-0 తేడాతో తొలి మ్యాచ్‌లో ఘన విజయం సాధించింది. ఆ దూకుడును రెండో మ్యాచ్‌లోనూ చూపించింది హాకీ టీమ్. ఒక్క గోల్ కూడా ఇవ్వకుండా ఏకంగా 26 గోల్స్ సాధించి సత్తా చూపించింది. రెండు రోజుల కిందటి మ్యాచ్‌లో 17-0తో గెలిచి టీమిండియా తమ విజయాల చరిత్రలో కొత్త రికార్డును లఖించుకుంది. ఆ రికార్డును రెండో రోజుల్లోనే సవరించిందిప్పుడు. అంతకు ముందెప్పుడో దశాబ్దాల క్రితం మనోళ్లు ఇరాన్, బంగ్లాదేశ్‌ల మీద 12-0 గోల్స్ తేడాతో విజయాలు సాధించారు. నేటి మ్యాచ్‌లో మొత్తం నలుగురు భారత ప్లేయర్లు హ్యాట్రిక్ గోల్స్ సాధించారు.