Breaking News

18/07/2019

నెట్టింట్లో వైరల్ అవుతున్న ప్రియాంక ఫోటోస్

న్యూఢిల్లీ, జూలై 18 (way2newstv.in)
కాంగ్రెస్ పార్టీ ప్రధాన కార్యదర్శి ప్రియాంక గాంధీకి సంబంధించిన ఓ ఫోటో సోషల్ మీడియాను ఊపేస్తోంది. సంప్రదాయ చీర కట్టులో పెళ్లి పీటలపై సిగ్గులు ఒలకబోస్తూ ప్రియాంక కూర్చొని ఉన్న దృశ్యానికి సంబంధించిన ఆ ఫోటో నెట్టింట్లో వైరల్‌గా మారింది. తన ట్విటర్ ఖాతా ద్వారా ఆ అరుదైన ఫోటోను షేర్ చేసిన రాహుల్ సోదరి.. అది 22 ఏళ్ల నాటిదని పేర్కొన్నారు. ‘నా పెళ్లి రోజు నాటి ఉదయం పూజా సమయంలోని ఫోటో’ అని తెలిపారు. ట్విటర్‌లో మూడు రోజులుగా #శారీ ట్వీట్టర్  అనే హ్యాష్‌ ట్యాగ్‌ ట్రెండ్ అవుతోంది. 
నెట్టింట్లో వైరల్ అవుతున్న ప్రియాంక ఫోటోస్

ఇందులో భాగంగా చాలా మంది మహిళలు తమ చీర కట్టుతో ఉన్న ఫోటోలను షేర్ చేస్తూ సోషల్ మీడియా ఫ్రెండ్స్‌తో ఆనందం పంచుకుంటున్నారు. ప్రస్తుతం ఈ హ్యాష్ ట్యాగ్ టాప్ ట్రెండింగ్‌లో ఉంది. నటీమణులు, మహిళా సెలబ్రిటీలు, మహిళా రాజకీయ నాయకులు చీరల్లో ఉన్న ఫోటోల్ని షేర్‌ చేస్తూ తమ ఆనందం పంచుకుంటున్నారు. ఈ క్రమంలో ప్రియాంక గాంధీ వాద్రా తన పెళ్లి నాటి ఫోటోను షేర్ చేశారు. ప్రియాంక గాంధీ 1997 ఫిబ్రవరి 18న వ్యాపారవేత్త రాబర్ట్‌ వాద్రాను పెళ్లి చేసుకున్నారు. ప్రియాంక షేర్ చేసిన ఫోటోకు అభిమానులు ఫిదా అవుతున్నారు. షేర్‌ చేసిన కొన్ని క్షణాల్లోనే అది వైరల్‌ అయింది. ఈ ఫోటోను ఇప్పటివరకూ 4,334 మంది రీట్వీట్ చేయగా.. 39,809 మంది లైక్ చేశారు. ప్రియాంక గాంధీ పెళ్లి రోజుగా భావించి కొంత మంది మ్యారేజ్ డే విషెస్ చెప్పడం గమనార్హం. ఈ ఫోటోపై యూత్ కాంగ్రెస్ కూడా స్పందించింది. ‘ప్రియాంక గారూ.. చాలా అందంగా ఉన్నారు. మీ అందం, మీ తేజస్సు ఇలాగే చేతల్లోనూ మెరవాలి’ అని ట్వీట్ చేసింది. ఇంకొంత మంది నెటిజన్లు ప్రియాంక గాంధీకి సంబంధించిన మరికొన్ని అపురూపమైన ఫోటోలను షేర్ చేసి ఆనందం పంచుకున్నారు. 

No comments:

Post a Comment