తెలుగు సినీ పరిశ్రమలో చిన్న చిత్రాలు చాలానే వస్తుంటాయి. వాటిలో కొన్ని మాత్రమే విజయవంతం అవుతూ ఉంటాయి. వాస్తవానికి ఇలాంటి చిన్న సినిమాలకు విడుదలకు ముందే ప్రచారం అవసరం. ఈ ప్రచారంతోనే సినిమాను ప్రేక్షకుల్లోకి తీసుకెళ్లాలి. టీజర్, ట్రైలర్లు ఆసక్తికరంగా ఉన్నాయంటే ప్రేక్షకులు కచ్చితంగా థియేటర్లకు వస్తారు. తెలుగులో చాలా చిన్న సినిమాలు ఈ విషయాన్ని రుజువు చేశాయి. తక్కువ బడ్జెట్‌తో నిర్మించిన చిత్రాలు బాక్సాఫీసు వద్ద కనకవర్షం కురిపించిన సందర్భాలు ఎన్నో. ఈ మధ్య కాలంలో అలాంటి చిన్న సినిమా రాలేదు. కానీ, ‘అక్షర’ టీజర్ చూస్తుంటే ఇది అలాంటి సినిమా అవుతుందేమో అనిపిస్తోంది.
అక్షర టీజర్ దుమ్మురేపుతోంది
నందితా శ్వేత, అజయ్ ఘోష్, షకలక శంకర్, శ్రీతేజ్, సత్య, మధునందన్ ప్రధాన పాత్రల్లో నటిస్తోన్న చిత్రం ‘అక్షర’. బి.చిన్నికృష్ణ దర్శకత్వం వహిస్తున్నారు. సురేష్ బొబ్బిలి సంగీతం సమకూరుస్తు్న్నారు. సినిమా హాల్ ఎంటర్‌టైన్మెంట్స్ పతాకంపై సురేష్ వర్మ అల్లూరి, అహితేజ బెల్లంకొండ నిర్మిస్తున్నారు. సోషల్ మెసేజ్‌తో కూడిన కామెడీ థ్రిల్లర్‌గా తెరకెక్కుతోన్న ఈ చిత్ర టీజర్‌ను తాజాగా విడుదల చేశారు. టీజర్ చాలా ఆసక్తికరంగా ఉంది. ఎప్పుడూ నెగిటివ్ రోల్స్‌లో భయంకరంగా కనిపించే అజయ్ ఘోష్ ఈ సినిమాలో మాత్రం మంచి కామెడీ పాత్ర పోషించారు. ఆయన పేరే విచిత్రంగా ఉంది.. పిండి తాతాజీ. టీజర్ చూస్తుంటే ఈ సినిమా కాన్సెప్ట్ చదవుకు సంబంధించినదని అర్థమవుతోంది. నందితా శ్వేత టీచర్ పాత్రలో కనిపించనుంది. అజయ్ ఘోష్, శంకర్, సత్య, మధునందన్ స్నేహితులుగా నటించారు. వీరి జీవితంలో టీచర్ ఎందుకొచ్చింది? ఆమె వల్ల వీళ్లకు ఏం హాని జరిగింది? ఆమెను వీళ్లు ఎందుకు చంపాలనుకున్నారు? ఇవన్నీ ఆసక్తికరంగా ఉన్నాయి. నిజజీవితంలో జరిగిన సంఘటన ఆధారంగా ఈ సినిమాను తెరకెక్కిస్తున్నట్లు చిత్ర యూనిట్ చెబుతోంది.
No comments:
Post a Comment