Breaking News

05/06/2019

బిగ్ బాస్ 3 లో నాగబాబు


హైద్రాబాద్, జూన్ 5  (way2newstv.in)
మరికొన్ని రోజుల్లో బుల్లితెర బిగ్గెస్ట్ రియాలిటీ షో ‘బిగ్ బాస్ సీజన్ 3’ ప్రారంభం కానున్న నేపథ్యంలో ప్రేక్షకుల్లో ఆసక్తినెలకొంది. హోస్ట్ ఎవరు? కంటెస్టెంట్స్ ఎవరు? ఎప్పటి నుండి ప్రసారం కాబోతుంది? లాంటి విషయాలపై సోషల్ మీడియాలో రకరకాల పుకార్లు పుట్టుకొస్తున్నాయి. కాగా బిగ్ బాస్ సీజన్ 1లో కంటెస్టెంట్‌గా ఉండి సెలబ్రిటీగా మారిన మూవీ క్రిటిక్ కత్తి మహేష్.. త్వరలో టెలికాస్ట్ కాబోతున్న బిగ్ బాస్ సీజన్‌పై ప్రీ రివ్యూ వదిలారు. ఈ షోలో ఎవరు ఉంటే బాగుంటుందన్న దానిపై కత్తి అభిప్రాయాన్ని వ్యక్తపరిచారు. బిగ్ బాస్ సీజన్ 1 ఇంట్రస్ట్ క్రియేట్ చేసింది. సీజన్ 2‌కి వచ్చేసరికి ఎవరు వీళ్లు అన్నదగ్గర నుండి ఆ గొడవలు నెగిటివిటీతో అంచనాలకు అందుకోలేకపోయింది. బిగ్ బాస్ సీజన్ 3 విషయానికి వస్తే.. హిందీలో బిగ్ బాస్ ఎన్ని సీజన్స్‌ వచ్చినా ఒకసారి ఉన్నట్లు రెండోసారి ఉండదు. 


బిగ్ బాస్ 3 లో నాగబాబు
ఈసారి తెలుగులో కూడా ఇదే ఫార్ములా కంటిన్యూ చేయబోతున్నారు. కొన్ని షాక్‌లు, సర్‌ప్రైజ్‌లకు మనం రెడీగా ఉన్నారు. మొదటిగా షోని నడిపించే హోస్ట్ విషయానికి వస్తే.. తారక్ చేసినట్టు నాని చేయలేకపోయాడు కాని ఆ ఇద్దరిలో ఉన్న తేడా కూడా ఆ షోని మరోస్థాయికి తీసుకువెళ్లింది. అయితే ఈసారి కింగ్ నాగార్జున హోస్ట్ చేయబోతున్నారని ప్రచారం నడుస్తోంది. అదే నిజమైనతే నాగార్జున టెలివిజన్ షోలలో చాలా కంఫర్టబుల్. అది ‘మీలో ఎవరుకోటీశ్వరుడు’తో నిరూపించారు. ఇప్పుడు దాన్ని బిగ్ బాస్ ద్వారా నెక్స్ట్ లెవల్‌కి తీసుకువెళ్తారన్నదాంట్లో ఎలాంటి సందేహం లేదు.ఇక కంటెస్టెంట్స్ విషయానికి వస్తే.. మన అందరి ఊహలకు భిన్నంగా సీజన్ 1, 2కంటే కలర్ ఫుల్‌గా ఉంటుందనే నేను అనుకుంటున్నాను. అయితే ఎవరు కంటెస్టెంట్స్‌గా ఉంటే బావుంటుందన్న విషయానికి వస్తే.. వివాదాస్పద నటి శ్రీరెడ్డి ఉండాలనేది నా కోరిక. ఎందుకంటే ఆమె షోకి డిఫరెంట్ కలర్స్‌ని యాడ్ చేయగలదు. తను బిందాస్‌గా మాట్లాడే విధానం కాని.. సినిమాలు, రాజకీయాలపై ఆమెకు మంచి అవగాహన ఉంది. వాటితో ఆమెకు గుర్తింపు లభించవచ్చు. అలానే జనసేన నాయకుడు, నటుడు నాగబాబు కూడా బిగ్ బాస్‌లో ఉంటే బాగుంటుంది. ఎందుకంటే బిగ్ బాస్ హౌస్‌లో ఓ సీనియర్ ఫిగర్ ఒకరు ఉండాలి. నాగబాబు అటు రాజకీయాల పరంగా.. ఇటు టెలివిజన్ పరంగా అందరికీ తెలిసిన వ్యక్తి ఆయన. ఈ మధ్య కాలంలో ఆయన చాలా ఇంట్రస్టింగ్‌గా మారారు. ఎందుకంటే ఆయన సోషల్ కామెంట్రీ చేస్తున్నారు. రాజకీయాల్లోనూ ఆయన పాల్గొని వచ్చారు. కాబట్టి నాకు బిగ్ బాస్ 3లో శ్రీరెడ్డి, నాగబాబు ఇద్దరూ ఉంటే షో నెక్స్ట్ లెవల్‌కి వెళ్తుందని నా కోరిక’ అంటూ ఉచిత సలహాల చిట్టా విప్పారు కత్తి మహేష్. అన్నట్టు బిగ్ బాస్ సీజన్ 1లో పాల్గొన్న కత్తి మహేష్‌కి ఎన్టీఆర్ ‘ఉచిత సలహా’ బిరుదు ఇచ్చారు. మరి ఈయన సలహాలు ఎంత వరకూ పనికొస్తాయో త్వరలో తేలిపోనుంది

No comments:

Post a Comment