పచ్చి అబద్దాల పాకిస్తాన్

న్యూఢిల్లీ,  ఫిబ్రవరి 28  (way2newstv.in)

భారత వైమానిక దళం నియంత్రణ రేఖ దాటి బాలాకోట్‌లోని జైషే మహ్మద్ ఉగ్రవాద స్థావరాలపై ఫిబ్రవరి 26న దాడులు చేసిన విషయం తెలిసిందే. అయితే ఈ దాడులు సైనిక చర్య కాదని, ముందస్తు చర్యలో భాగంగా చేసిన దాడి అని భారత ప్రభుత్వం ప్రకటించింది. దీనిపై పాక్ మీడియా, సోషల్ మీడియా తమ ఇష్టం వచ్చినట్లుగా ప్రచారం చేసింది. 

విషయం 1 

ట్విట్టర్‌లో 5 లక్షల మంది ఫాలోవర్లు ఉన్న పాకిస్థాన్ జర్నలిస్ట్ డాక్టర్ షాహిద్ మసూద్ పోస్ట్ చేసిన వీడియోను తెగ షేర్ చేస్తున్నారు. భారత్‌కు చెందిన రెండో పైలట్‌ను సజీవంగా అదుపులోకి తీసుకున్నారు అని క్యాప్షన్ పెట్టాడు. 

నిజం 

 పచ్చి అబద్దాల పాకిస్తాన్

బెంగళూరులో జరిగిన ఏరో ఇండియా ఈవెంట్లో ఫిబ్రవరి 19న రెండు ఎయిర్ క్రాఫ్ట్‌లు ఢీకొన్న ఘటనకు సంబంధించిన వీడియో అది. గాయపడ్డ వ్యక్తి సూర్య కిరణ్ ఎయిర్‌క్రాఫ్ట్ వింగ్ కమాండర్ విజయ్ షెల్కే. 22 ఏళ్ల బీటెక్ స్టూడెంట్ చేతన్ కుమార్.. పైలట్ విజయ్ షెల్కేకు సాయం చేయగా నెటిజన్లు ప్రశంసించారు. 

ఫేక్ న్యూస్ 2 

పాకిస్థాన్ స్ట్రైక్స్ బ్యాక్ అని పొగుడుతూ పాక్ మీడియా ద ఎక్స్‌ప్రెస్ ట్రిబ్యూన్.. పాకిస్థాన్ ఆర్మీ రెండు భారత యుద్ధవిమానాలను కూల్చేశాయని ఆ ఫొటోను తమ అధికారిక ట్విట్టర్‌ పేజీలో పోస్ట్ చేసింది. 

నిజం 

గతంలో తీసిన ఫొటో ఇది. ఫొటోను గూగుల్‌లో రివర్స్ ఇమేజ్ సెర్చ్ చేయగా నయి దునియా అనే వెబ్‌సైట్ 2016 జూన్‌లో పోస్ట్ చేసిన వార్త కనిపిస్తుంది. పాకిస్తాన్ చెప్పుకుంటున్నట్లుగా అది తాజాగా భారత యుద్ధవిమానాలను కూల్చిన ఫొటో కాదని తేలిపోయింది. 

ఫేక్ న్యూస్ 3 

భారత యుద్ధ విమానం మిగ్ జెట్‌ను కూల్చిన అనంతరం పాక్ విదేశాంగశాఖ మంత్రి మహ్మద్ ఖురేషీ ఏఆర్‌వై ఛానల్‌తో మాట్లారని ప్రధాని ఇమ్రాన్ ఖాన్ పార్టీ పీటీఐ తమ అధికారిక ట్విట్టర్ ఖాతాలో తెలిపింది. ఆత్మరక్షణ కోసం భారత జెట్ విమానాన్ని పాక్ కూల్చిందని పీటీఐ తమ ట్విట్టర్‌లో పేర్కొంది. 

నిజం 

ఇమ్రాన్ ఖాన్ పార్టీ పీటీఐ పోస్ట్ చేసిన వీడియో తాజా వీడియో కాదు. 2016లో రాజస్థాన్‌లోని జోధ్‌పూర్‌లో కూలిపోయిన మిగ్ 27కు సంబంధించిన వీడియో అది. కింది ఫొటోలో ఆ విషయాన్ని గమనించవచ్చు. 

ఫేక్ న్యూస్ 4 

భారత ఎయిర్ క్రాప్ట్ జమ్మూకాశ్మీర్‌లోని బుడ్గమ్‌లో కూలిపోయిందని పాకిస్థాన్ మీడియా డాన్ డాట్‌కమ్ ఓ ఫొటోను పోస్ట్ చేసింది. అనంతరం వెబ్‌సైట్ ఆ ఫొటోను మార్చేసింది. పాకిస్థాన్ యుద్ధ వాతావరణాన్ని క్రియేట్ చేయడం లేదని పేర్కొంటూ డాన్ మీడియా మరో పోస్ట్‌లో పేర్కొంది. 

నిజం 

డాన్ వెబ్‌సైట్ తొలుత వాడిన ఫొటో ఒడిశాలోని మయుర్‌భంజ్ జిల్లాలో కూలిన ఐఏఎఫ్ శిక్షణ విమానం ఫొటో. గూగుల్‌లో రివర్స్ ఇమేజ్ సెర్చ్ చేస్తే ద హిందూ మీడియా జూన్ 3, 2015లో కథనాన్ని ప్రచురించినట్లు గమనించవచ్చు.